NAVEX အတၢ်ပညိၣ်မ့ၢ်ဝဲတၢ်မၤလီၤတံၢ်ဝဲဒၣ်နတၢ်ဆဲးကျိးတဲသကိးတၢ်ဂ့ၢ်ကီဒီးတၢ်လီၤဘၣ်ယိၣ်လၢအဘၣ်ထွဲဒီးတၢ်သကဲာ်ပဝးတဂ့ၤ မ့တမ့ၢ် တၢ်ဟူးတၢ်ဂဲၤတဖိးသဲစးအဂ့ၢ်သ့ဝဲဖဲတၢ်ကရၢကရိအတၢ်ပၢဆှၢရဲၣ်ကျဲၤအပူၤ မ့တမ့ၢ် ကမံးတံာ်ပှၤနဲၣ်တၢ်ဖိအကွၢ်ထွဲကတီၤဝဲဒၣ်နတၢ်ဂ့ၢ်လၢတၢ်တပာ်ဖျါထီၣ်မံၤဒီးတၢ်ပာ်ဒ်တၢ်ခူသူၣ်လၢအပူၤဖျဲးဒီးတီဝဲလိၤဝဲအပူၤန့ၣ်လီၤ.

NAVEX ဒိးန့ၢ်တၢ်အုၣ်သးဖဲ EU-U.S. ဒီး Swiss-U.S. Privacy Shield တၢ်တိာ်ကျဲၤအဖီလာ်ခီဖျိ United States Department of Commerce (ကီၢ်အမဲရံကၤပနံာ်မုၢ်ဝဲၤတၢ်ဖံးတၢ်မၤဝဲၤကျိၤ) ဒ်အမ့ၢ်တၢ်အိၣ်ဒီးတၢ်ထိၣ်ကွၢ်တဲာ်ကွၢ်တၢ်ဘံၣ်တၢ်ဘၢလၢအလီၢ်ဒၣ်ဝဲအပူၤလၢတၢ်မၤလၢပှဲၤဝဲဒၣ် EU တၢ်စးထီၣ်နီၢ်ကစၢ်တၢ်ခူသူၣ်အခီၣ်ထံးခီၣ်ဘိဒီးဟီၣ်ခိၣ်ဒီဘ့ၣ်တၢ်ခူသူၣ်အတၢ်နဲၣ်ကျဲတဖၣ်န့ၣ်လီၤ.

ပဂဲၤလိာ်ပာ်ဖျါထီၣ်ဝဲဒၣ်တၢ်ဂ့ၢ်ကီဒီးတၢ်လီၤဘၣ်ယိၣ်တဖၣ်အဂ့ၢ်ခီဖျိ EthicsPoint™ ဒ်တၢ်လဲၤဆူညါလိၤလိၤဒီးတအိၣ်ဒီးတၢ်နိးတၢ်ဘျးတသ့ဖဲအသ့န့ၣ်လီၤ. ပှာ်ယဲၤသန့လၢလာ်တဖၣ်အံၤကနဲၣ်ကျဲနၤခီဖျိတၢ်မၤကျိၤကျဲတဖၣ်ဖဲတၢ်ကွၢ်ထွဲကတီၤနတၢ်ဂ့ၢ်လၢတၢ်ပာ်ဒ်တၢ်ခူသူၣ်ဒီးတၢ်တပာ်ဖျါထီၣ်မံၤဖဲတပတီၢ်စုာ်စုာ်အပူၤန့ၣ်လီၤ. လူၤပိာ်မၤထွဲတၢ်အပတီၢ်သ့ၣ်တဖၣ်အံၤလၢတၢ်တီၣ်ထီၣ်နလံာ်ပာ်ဖျါအဂီၢ်-

1. ထၢနုာ်လီၤတၢ်ကရၢကရိအမံၤလၢအမ့ၢ်နတၢ်ဆှၢထီၣ်ဝဲဒၣ်လံာ်တၢ်ပာ်ဖျါအဂီၢ်ဒီးဃုထၢတၢ်ဃုထၢလၢအဘၣ်
2. စံၢ်လီၤဖဲ တၢ်မၤကမၣ်တၢ်အကရူၢ် (Violation Category) အလိၤလၢအပာ်ဖျါထီၣ်ဘၣ်ဃးတၢ်ဂ့ၢ်ကီလၢနပာ်ဖျါထီၣ်ဝဲလၢအဂ့ၢ်
3. အၢၣ်လီၤတူၢ်လိာ် “တၢ်ဂ့ၢ်တၢ်ကျိၤဒီးတၢ်ဘျၢတဖၣ်” ဝံၤထၢနုာ်မၤပှဲၤလံာ်တကွီၣ်ဒိ
4. တချုးဒံးဖဲနတီၣ်ထီၣ်နလံာ်ပာ်ဖျါဒံးဘၣ်အခါ, ဒုးအိၣ်ထီၣ်လံာ်ဖျၢၣ်ခူသူၣ်လၢတၢ်လူၤထွဲဝဲဖဲနလံာ်ပာ်ဖျါအဂီၢ်တက့ၢ်.

ဖဲနတီၣ်ထီၣ်နလံာ်ပာ်ဖျါဝံၤအလီၢ်ခံ, နကဒိးန့ၢ်ဝဲဒၣ်လံာ်ပာ်ဖျါအနီၣ်ဝံာ်ခံန့ၣ်လီၤ. နလံာ်ဖျၢၣ်ခူသူၣ်ဒီးလံာ်ပာ်ဖျါအနီၣ်ဝံာ်ခံကဟ့ၣ်နၤတၢ်ပျဲလၢနကလူၤထွဲတၢ်ဂ့ၢ်ဖဲနလံာ်ပာ်ဖျါအပူၤန့ၣ်လီၤ.