Qëllimi i EthicsPoint-it është të sigurojë që ju t'i komunikoni me siguri dhe ndershmëri strukturave drejtuese të organizatës ose bordit drejtues problemet dhe shqetësimet në lidhje me veprimtari joetike dhe të paligjshme, duke vazhduar të ruani anonimitetin dhe konfidencialitetin. EthicsPoint është certifikuar me Safe Harbor nëpërmjet Departamentit Amerikan të Tregtisë si ofrues linje të posaçme telefonike me masa sigurie që i përgjigjen nismave të BE-së në lidhje me privatësinë dhe udhëzime të tjera në shkallë botërore.

Ne përpiqemi ta bëjmë raportimin e problemeve dhe të shqetësimeve sa më të drejtpërdrejtë dhe të pandërlikuar që të jetë e mundur. Faqet e mëposhtme të internetit do t'ju drejtojnë gjatë procesit ndërsa do të ruani konfidencialitetin dhe anonimitetin në çdo hap. Ndiqni këta hapa për të dorëzuar raportin:

1. Futni emrin e organizatës për të cilën po dorëzoni raportin dhe zgjidhni opsionin e duhur
2. Shtypni mbi kategorinë e shkeljes që përshkruan më së tepërmi problemin për të cilin po raportoni
3. Pranoni "Kushtet" dhe në vijim plotësoni formularin
4. Përpara se të dorëzoni raportin, krijoni një fjalëkalim për të ndjekur më pas gjendjen e raportit.

Pas dorëzimit të raportit, do t'ju caktohet një çelës raporti. Fjalëkalimi dhe çelësi i raportit ju mundësojnë të ndiqni gjendjen e raportit tuaj.